Sonop vat jong seuns en leer hulle wat dit is om manne te wees. Manne wat met waarheid en krag die Koninkryk van God in ons midde vestig.  Manne wat met Liefde en Godvresendheid hulle rolle as hoof en priester van hul gesinne sal inneem.  Manne wat in God se lig wandel en aanhou soek na ‘n dieper verhouding met God.

Jacobus Cordier, Onder Voorsitter 2019/20

Hardewerk, deursettings vermoë en moeilike tye. Sonop leer jou hoe om onder moeilike omstandighede te funksioneer – diamante word slegs onder hoë druk gevorm. Christelike waardes, karakter en deursettingsvermoë, dis ons kultuur.

Elvis Zondi, HK 2019/20

Sonop is jou onregverdige voordeel in die lewe. Hierdie is iets wat ‘n Oud-Sonopper vir my gesê het en tot vandag toe bly dit my by. Elke dag wat verby gaan sien mens dat Sonop’n belegging in mens se lewe is.

Alex Winter, HK 2019/20

‘n Sonop inwoner is ‘n doodnormale persoon wat harder werk as ander normale mense en dit is die kern tot Sonop se sukses.

Dewald van Lingen, HK 2019/20

Soms wens ek die mure van Sonop kon praat en die stories van die verlede vertel. Gelukkig dra die mure die tradisie, kultuur en broederskap van al die jare saam en so word dit deel van elke nuwe Sonopper se Sonop-ervaring. Wat ‘n groot voorreg is dit nie om in ‘n plek soos geen ander te kan bly nie.

CM Kriel, Voorsitter 2019/20

Wat is erger as ‘n huis sonder ‘n moeder…? Beslis “Sonop sonder ‘n Nonnie” As Sonop Nonnie is dit nie net my plig om elke jongman se maag vol te hou nie, maar uit liefde dra ek elke Sonopper se belange op die hart. Nonnie is jou ma weg van die huis…

Nonnie Jenny Buys

“It’s hard to beat a person who never gives up.” – Babe Ruth. Hierdie aanhaling som ‘n Sonopper perfek op. ‘n Sonopper gaan nie noodwendig die beste op die veld of die slimste in die klas wees nie, maar hy gee NOOIT op nie, en dis wat Sonop laat uitstaan bo al die ander koshuise, dis wat Sonop die beste maak.

Stefan Kruger, HK 2019/20

Dit gaan oor trots. Dit gaan oor geskiedenis en tradisie. Dis die Hoop vir die toekoms. Op alle gebiede, van kultuur , akademie en op die sportveld. Word die gewone outjie eweskielik n held. Sondagaand ego die klank van n groep mans deur die Strate van Pretoria. 105 jaar se tradisie is altyd saam in gees. Want Bittermin kan n Sonopper wees.

Adriaan Lombard, HK 2019/20

KULTUUR

Die fondasies van Sonop se geskiedenis bestaan uit jare lange tradisies wat al meer as ‘n eeu strek en vanuit hierdie tradisies het ‘n Sonop ‘n kultuur ontwikkel wat ‘n integrale en belangrike deel uitmaak van die Sonop ondervinding.

Sonop neem deel aan al UP se kultuuraktiwiteite.

KULTUUR EKSTERN BESTAAN UIT DIE VOLGENDE:

1NSYNC

‘n Sing en dans produksie waaraan slegs eerstejaars deelneem teen ander koshuise. Hierdie vind plaas binne die eerste twee weke van die jaar en is die nuwe eerstejaars se eerste geleentheid om hul stempel af te druk.

Serrie is n kultuur aktiwiteit waaraan Sonop jaarliks deelneem en dra grootdeels by tot Sonop se tradisie en geskiedenis. Dit is ‘n sing en dans vertoning wat kort stukke dialoë bevat, sowel as asemrowende gooie en akrobatiese toertjies insluit. Enige huislid vanaf eerstejaar tot finale jaars kan deelneem aan Sonop se serrie. Vanaf 2018 vind Sonop se jaarlikse serrie plaas in Potchefstroom. Ons word te bus vervoer na die Universiteit van Potchefstroom waar ons dan vir elke dameskoshuis van Potch optree. Nadat die eerste vertoning voltooi is beweeg die hele serrie groep na die volgende koshuis toe om die dames te vermaak. Na ongeveer 11 optredes kry die student die geleentheid om die dorp te verken en te kuier in Potch. Verblyf vir die Sonop studente word gereel om die aand in Potch oor te slaap by ‘n manskoshuis. Die volgende dag is daar ‘n krieket en sokker wedstryd wat plaasvind tussen Sonop en die Pukke manskoshuis.

Sêrenade is ‘n ander woord vir Acapella. Daar is 20 mans wat gekies word uit n moontlike 160 manne in die koshuis. Ons kry elke jaar ‘n professionele afrigter. Die afrigter word gewoonlik in November geskakel sodat die volgende jaar se beplaning kan plaasvind nl. om ‘n tema tekies, asook om musiek en verwerkers te kies. Die oudisies vind plaas teen einde Januarie. Die oudisies sluit 1ste jaars tot finale jaars in. ‘n 2de rondte vind altyd plaas en indien nodig, ‘n 3de rondte. Die finale 20 word dan gekies. Dit is altyd ‘n strawwe keuringsprose. Al die musiek word geskryf deur professionele verwerkers. Sêrenade word dan regdeur die jaar geofen (omtrent 7 maande). In daardie 7 maande gebeur die volgende: Sing vir dameskoshuise wat tel vir deel van die voorbereiding. Daar is twee Sêrenade kampe waar die manne mekaar nog beter leer ken en finale afronding doen. Daar is tussen 2 of 3 weke voor die UP kompitisie ‘n naweek na Potchefstroom toe waar Sonop dan vir die dameskoshuise van Pukke in Potchefstroom gaan sing. Die UP kompitisie vind plaas in Augustus waar die universiteit ‘n hele week uit sit net vir Sêrenade.  Indien jy die kompitisie wen gaan jy na die nasionale sêrenade kompitisie. Sonop het elke jaar na die UP kompitisie n ‘Sing!’ byeenkoms waar ons sekere sêrenade groepe van Pukke en UP nooi om saam ons by n teater deel te neem.

Die vermoë om ‘n punt te beredeneer, of jy nou met dit saamstem of nie, is ‘n belangrike wapen in die arsenaal van enige ou wat homself “opgevoed” wil noem.  Deur ons interne debatsessies en eksterne debatkompetisies leer Sonoppers hoe om na ‘n saak van meer as twee kante af te kyk en hulself duidelik uit te druk.  As jy wonder hoekom die aarde plat is of water nie nat is nie, dan is hierdie die plek om uit te vind.